Псалтыр, псальма 76
- Кіроўцу хору. На струнных. Псальма Асафава. Песьня.
- Вядомы Бог у Юдэі; Ягонае імя вялікае ў Ізраіля.
- І было ў Саліме селішча Ягонае, і жыў Ён — на Сіёне.
- Ён там паламаў стрэлы лука, шчыт і меч і вайну.
- Ты слаўны, магутнейшы за дзікія горы.
- Моцныя сэрцам здабычаю сталі, заснулі сном сваім, і не знайшлі ўсе мужчыны сілы ў руках сваіх.
- Ад клічу Твайго, Божа Якаваў, задрамалі і калясьніца і конь.
- Ты грозны, і хто ўстоіць прад абліччам Тваім у час гневу Твайго?
- Зь нябёсаў Ты суд абвясьціў: зямля забаялася і замоўкла,
- калі паўстаў Бог на суд, каб выратаваць усіх прыгнечаных на зямлі.
- І гнеў чалавечы абярнуўся на славу Табе, рэшту гневу Ты ўтаймуеш.
- Рабеце і давайце зарокі Госпаду, Богу вашаму; усе, хто вакол Яго, хай прынясуць дарункі Страшнаму.
- Ён таймуе дух валадароў, Ён страшны царам зямным.
|
Выбор перевода и языка
|