1. Кіроўцу хору. Сыноў Карэевых Псальма.
  2. Пляскайце ў далоні, усе народы, клікніце Богу голасам радасьці;
  3. бо Гасподзь Усявышні грозны, — вялікі Цар над усёю зямлёю;
  4. скарыў нам народы і плямёны пад ногі нашыя;
  5. выбраў нам спадчыну нашу, красу Якава, якога палюбіў.
  6. Узышоў Бог пад воклічы, Гасподзь пад гукі трубныя.
  7. Сьпявайце Богу нашаму, сьпявайце; сьпявайце цару нашаму, сьпявайце;
  8. бо Бог — Цар усёй зямлі; сьпявайце ўсе разумна.
  9. Бог зацараваў над народамі, Бог сеў на сьвятым троне Сваім;
  10. сабраліся валадары народаў да народу Бога Абрагамавага; бо шчыты зямлі — Божыя; Ён узьнесены над намі.

Постоянная ссылка на эту страницу old.bibleonline.ru/bible/bel/19/47/.

Выбор перевода и языка



© Библия Онлайн, 2003-2024
Перейти на новую версию сайта.