 Св. Евангелие от Иоанна, глава 3
- Бе же человек от фарисеи, никодим имя ему, князь жидовский:
- сеи приииде ко Иисусу нощию, и рече ему: равви, вем, яко от Бога пришел еси учитель: никтоже бо может знамении сих творити, яже ты твориши, аще не будет Бог с ним.
- Отвеща Иисус и рече ему. аминь, аминь глаголю тебе: аще кто не родится свыше, не может видети царствия Божия.
- глагола к нему никодим: како может человек родитися стар сыи? еда может второе внити во утробу матере своея и родитися?
- Отвеща Иисус. аминь, аминь глаголю тебе: аще кто не родится водою и духом, не может внити во царствие Божие:
- рожденное от плоти плоть есть. и рожденное от духа дух есть.
- Не дивися, яко рех ти. подобает вам родитися свыше.
- Дух, идеже хощет, дышет, и глас его слышиши, но не веси, откуду приходит и камо идет: тако есть всяк рожденный от духа.
- Отвеща никодим и рече ему: како могут сия быти?
- Отвеща Иисус и рече ему. ты еси учитель Израилев, и сих ли не веси?
- Аминь, аминь глаголю тебе, яко, еже вемы, глаголем, и, еже видехом, свидетельствуем, и свидетельства нашего не приемлете.
- аще земная рекох вам, и не веруете: како, аще реку вам небесная, уверуете?
- И никтоже взыде на небо, токмо сшедый с небесе Сын члвеческий, сый на небеси.
- и якоже моисей вознесе змию в пустыни, тако подобает вознестися Сыну члвеческому,
- да всяк веруяи в онь не погибнет, но имать живот вечный.
- Тако бо возлюби Бог мир, яко и Сына своего единороднаго дал есть, да всяк веруяи в онь не погибнет, но имать живот вечный.
- Не посла бо Бог Сына своего в мир, да судит мирови, но да спасется им мир.
- Веруяи в онь не будет осужден: а не веруяй уже осужден есть, яко не верова во имя единороднаго Сына Божия.
- Сеи же есть суд, яко свет прииде в мир, и возлюбиша человецы паче тму, неже свет: беша бо их дела зла.
- Всяк бо делаяй злая ненавидит света и не приходит к свету, да не обличатся дела его, яко лукава суть.
- творяй же истину грядет к свету, да явятся дела его, яко о Бозе суть соделана.
- По сих же прииде Иисус и ученицы его в жидовскую землю: и ту живяше с ними, и крещаше.
- Бе же иоанн крестя во еноне близ салима, яко воды многи бяху ту: и прихождаху и крещахуся.
- не у бо бе всажден в темницу иоанн.
- Бысть же стязание от ученик иоанновых со иудеи о очищении:
- и приидоша ко иоанну, и рекоша ему: равви, иже бе с тобою об он пол иордана, емуже ты свидетельствовал еси, се сей крещает, и вси грядут к нему.
- Отвеща иоанн и рече: не может человек приимати ничесоже, аще не будет дано ему с небесе.
- Вы сами мне свидетельствуете, яко рех. несмь аз Христос, но яко послан есмь пред ним.
- имеяи невесту жених есть. а друг женихов, стоя и послушая его, радостию радуется за глас женихов: сия убо радость моя исполнися.
- оному подобает расти, мне же малитися.
- Грядый свыше, над всеми есть. сыи от земли, от земли есть, и от земли глаголет: грядый с небесе, над всеми есть.
- и еже виде и слыша, сие свидетельствует: и свидетельства его никтоже приемлет.
- Приемый его свидетельство верова яко Бог истинен есть.
- Егоже бо посла Бог, глаголы Божия глаголет: не в меру бо Бог дает духа.
- Отец любит Сына, и вся даде в руце его.
- Веруяи в Сына имать живот вечныи. а иже не верует в Сына, не узрит живота, но гнев Божии пребывает на нем.
|
Выбор перевода и языка
|
Библия