Св. Евангелие от Матфея, глава 16
- И приступиша фарисее и саддукее, искушающе просиша его знамение с небесе показати им.
- Он же отвещав рече им: вечеру бывшу, глаголете: ведро, чермнуетбося небо:
- и утру: днесь зима, чермнуетбося дряселуя небо. Лицемери, лице убо небесе умеете разсуждати, знамений же временом не можете.
- Род лукав и прелюбодейный знамения ищет: и знамение не дастся ему, токмо знамение ионы пророка. И оставль их, отиде.
- И прешедше ученицы его на он пол, забыша хлебы взяти.
- Иисус же рече им: внемлите и блюдитеся от кваса фарисейска и саддукейска.
- Они же помышляху в себе, глаголюще: яко хлебы не взяхом.
- Разумев же Иисус рече им: что мыслите в себе, маловери, яко хлебы не взясте?
- не у ли разумеете, ниже помните пять хлебы пятим тысящам, и колико кош взясте?
- ни ли седмь хлебы четырем тысящам, и колико кошниц взясте?
- како не разумеете, яко не о хлебех рех вам внимати, от кваса фарисейска и саддукейска?
- Тогда разумеша, яко не рече хранитися от кваса хлебнаго, но от учения фарисейска и саддукейска.
- Пришед же Иисус во страны кесарии филипповы, вопрошаше ученики своя, глаголя: кого мя глаголют человецы быти, Сына человеческаго?
- Они же реша: ови убо иоанна крестителя, инии же илию, друзии же иеремию или единаго от пророк.
- Глагола им: вы же кого мя глаголете быти?
- Отвещав же симон петр рече: ты еси Христос, Сын Бога живаго.
- И отвещав Иисус рече ему: блажен еси, симоне, вар иона, яко плоть и кровь не яви тебе, но Отец мой, иже на небесех:
- и аз же тебе глаголю, яко ты еси петр, и на сем камени созижду церковь мою, и врата адова не одолеют ей:
- и дам ти ключи царства небеснаго: и еже аще свяжеши на земли, будет связано на небесех: и еже аще разрешиши на земли, будет разрешено на небесех.
- Тогда запрети Иисус учеником своим, да ни комуже рекут, яко сей есть Иисус Христос.
- Оттоле начат Иисус сказовати учеником своим, яко подобает ему ити во иерусалим и много пострадати от старец и архиерей и книжник, и убиену быти, и в третий день востати.
- И поемь его петр, начат пререцати ему глаголя: милосерд ты, Господи: не имать быти тебе сие.
- Он же обращься рече петрови: иди за мною, сатано, соблазн ми еси: яко не мыслиши яже Божия, но человеческая.
- Тогда Иисус рече учеником своим: аще кто хощет по мне ити, да отвержется себе и возмет крест свой и по мне грядет:
- иже бо аще хощет душу свою спасти, погубит ю: и иже аще погубит душу свою мене ради, обрящет ю:
- кая бо польза человеку, аще мир весь приобрящет, душу же свою отщетит? или что даст человек измену за душу свою?
- приити бо имать Сын человеческий во славе Отца своего со ангелы своими, и тогда воздаст комуждо по деянием его:
- аминь глаголю вам, суть нецыи от зде стоящих, иже не имут вкусити смерти, дондеже видят Сына человеческаго грядуща во царствии своем.
|
Выбор перевода и языка
|